SÍM Gallery: Opið fyrir umsóknir 2022 / Open Call 2022
![508A4884.JPG](https://static.wixstatic.com/media/b4dc0c_30279101ed5c4205b370dacb12873612~mv2.jpg/v1/fill/w_480,h_410,al_c,q_80,usm_0.66_1.00_0.01,enc_auto/508A4884_JPG.jpg)
fimmtudagur, 16. desember 2021
SÍM Gallery: Opið fyrir umsóknir 2022 / Open Call 2022
Kæru félagsmenn,
SÍM hefur nú opnað fyrir umsóknir um sýningarsalinn í Hafnarstræti 16, SÍM Gallery. Salnum verður úthlutað til 12 listamanna eða listahópa sem hver um sig fær þá salinn úthlutaðan í einn mánuð í senn. Tímabilið sem um ræðir er frá janúar til desember.
Í SÍM eru yfir 900 meðlimir, og gaman væri að sjá í salnum þverskurð af þeim fjölbreytta hópi sem félagið samanstendur af. Því viljum við hvetja unga sem aldna til að sækja um, og með sem fjölbreyttustum verkefnum, t.d. stendur ekkert í vegi fyrir því að listamenn taki sig saman og skipuleggi samsýningu.
Athugið þó að sýningar þurfa að vera þess eðlis að hægt sé að nýta salinn í fundarhöld og samkomur meðan á sýningum stendur (t.d. má ekki þekja gólfið þannig að ekki sé hægt að ganga um eða koma fyrir stólum).
Sjá má nánari upplýsingar um SÍM salinn hér: https://www.sim.is/s%C3%ADm-galleries
Félagsmenn eru hvattir til þess að senda inn umsókn um sýningarhald; að hámarki eina blaðsíðu af texta, 3-5 myndir af verkum og ósk um sýningartíma. Umsóknir berist í tölvupósti til: sim@sim.is, en frestur til að skila inn umsóknum rennur út í lok dags þann 22. desember 2021.
Sýningarnefnd mun fara yfir umsóknir og munu svör berast viku eftir lok umsóknarfrests.
--
Bestu kveðjur/Best regards
Skrifstofa SÍM