Gestaíbúð SÍM í Aþenu, Grikklandi
Frá og með 1. janúar 2022 hefur SÍM boðið félagsmönnum sínum að dvelja í gestaíbúð / gestavinnustofu í Aþenu.
Íbúðin sem var upphaflega byggð í kringum 1970, er í mjóu húsi á efstu hæð í þriggja íbúða húsi. Hún er 86 m2 að stærð með þremur svölum sem tilheyra eingöngu þessari íbúð og einni sameiginlegri á þakinu.
Íbúðin er í norður hluta borgarinnar í hverfinu Kypseli, nálægt dómshúsinu og við hliðina á lystigarðinum Pedion tou Areos en hann leiðir inn í næsta hverfi sem nefnist Excarchia – þar er m.a. hægt að finna myndlistavörubúðir, Tækniháskólann og fornleyfasafn Grikkja (National Archaeological Museum).
Stutt er í alla helstu þjónustu frá íbúðinni, bakarí, apótek, spítala, matvörubúð og bændamarkað, eins kaffihús og bari. Einnig er hægt að fara í nýlega sundlaug sem er í einungis fimm mínutna fjarlægð. (https://blueswim.gr/)
Í íbúðinni er eitt stórt svefnherbergi, queen-size rúm með lúxus heilsudýnu (miðlungs stíf), en auk þess eru tveir beddar og svefnsófi sem og sængur og koddar fyrir sex manns.
Á annarri hæð er sérherbergi sem annað hvort nýtist sem svefnherbergi eða sem vinnustofu. Gengið er inn um hurð á ganginum, sem hægt er að loka og læsa, upp brattann hringstiga. Sjálft herbergið er 15 m2 og samtengd því eru 20fm svalir þar sem leyfilegt er að sulla og skapa að vild.
Á efri hæð er skrifborð, stólar, hillur, skápur, vaskur og vinnuborð, sem og nokkur verkfæri sem geymd eru fyrir ofan stigann.
Dvalargjald árið 2024
Dvalargjad fyrir tvo í 4 vikur er € 1.200 / 2 vikur er € 800*
Aukagjald fyrir hvern gest umfram 2 einstaklinga í 4 vikur
er € 150 pr. gest.*
Aukagjald fyrir hvern gest umfram 2 einstaklinga í 2 vikur
er € 75 pr. gest.*
Íbúðin leigjist frá 1. hvers mánaðar.
Staðfestingargjald ISK 60.000 skal greiða strax við bókun.
Ef afbókað er með minna en 6 vikna fyrirvara er 50% af staðfestingargjaldinu endurgreitt. Greiða verður dvalargjaldið að fullu 4 vikum fyrir áætlaða dvöl í gestaíbúðinni.
* Athugið að verðbreytingar geta orðið. Vinsamlega fáið staðfest verð með því að senda póst á: ingibjorg@sim.is
Myndir
