TORG – Listamessa í Reykjavík verður haldin í fimmta sinn dagana 13.–23. október 2023 á Hlöðuloftinu, Korpúlfsstöðum.
TORGið er einn stærsti sýningar – og söluvettvangur myndlistar á Íslandi. Tilgangur TORGsins er að meðal annars að auka sýnileika myndlistar og gera fólki auðveldara fyrir að kynna sér samtímalist sem og að eignast listaverk eftir íslenska og erlenda listamenn sem starfa hér á landi. Auk þess veitir messan áhugafólki um myndlist tækifæri til að fjárfesta í myndlist beint af listamanninum.
SÆKJA UM
Listamönnum stendur til boða að leigja sýningarbása sem samsettir eru úr hvítum þiljum og auðum veggum. Hvert þil er um það bil 1 metri á breidd og um 2 metrar á hæð. Verð á bás er 9.500 kr á metrann en lágmarksstærð er 6 metrar. Þá geta fleiri en einn listamaður tekið sig saman um leigu á bás. Allir þátttakendur verða að vera fullgildir félagsmenn í SÍM.
SÍM sér um að útbúa auglýsingaefni og sýningarskrá fyrir TORGið.
Sýningarstjóri TORG listamessu 2023 er Ayis Zita.
Við hvetjum alla félagsmenn til að senda inn umsókn!
Umsókn má fylla út hér eða með því að senda póst á sim@sim.is.
Umsóknum skal fylgja stutt kynning á listamanni/listamönnum, sýnishorn af verkum ásamt ósk um stærð á bás. Öllum umsóknum verður svarað.