TORG – Listamessa í Reykjavík verður haldin í sjötta sinn dagana 4.–13. október 2024 á Hlöðuloftinu, Korpúlfsstöðum. Listamessan er einn stærsti sýningar- og söluvettvangur myndlistar á Íslandi í dag.

​

Opnunarviðburður TORGS – Listamessu verður föstudaginn 4. október milli 17 og 19. Frítt inn og öll velkomin!

​

Á fjórða tug listamanna taka þátt í ár en tilgangur listamessunnar er að auka sýnileika og kynningu á íslenskri samtímalist. Sýningarstjóri TORG – Listamessu er Paulina Kuhn.

​

Sérstaða listamessunnar er sú að lögð er áhersla á persónuleg og milliliðalaus samskipti við fjölbreytta flóru listamanna sem starfandi eru á Íslandi. Á listamessunni skapast tækifæri til þess að kynnast listamönnunum og eiga við þá persónulegt samtal. Áhugasömum gefst þar að auki kostur á að eignast listaverk eftir listamenn, milliliðalaust, og styðja um leið við áframhaldandi öflugt listalíf.

​

TORG er skipulagt af Sambandi íslenskra myndlistarmanna með stuðningi frá Reykjavíkurborg.​