Question 1

Um sjóðinn

Accepted Answer

Hlutverk sjóðsins er að styrkja myndlistarmenn til tímabundinnar dvalar erlendis vegna sýningar, vinnustofu eða annars sambærilegs myndlistarverkefnis. Með þeim hætti er sjóðnum ætlað að efla myndlistarstarf í Reykjavík og styrkja ímynd Reykjavíkurborgar sem framsækinnar menningarborgar á heimsvísu. Stofnun sjóðsins er liður í því að gera Reykjavíkurborg að vettvangi alþjóðlegra listastrauma.

Til að geta fengið úthlutun úr dvalarsjóði Muggs þarf umsækjandi að vera fullgildur skuldlaus félagi í SÍM og leggja fram tilskilin gögn sem staðfesta boð um þátttöku í myndlistarviðburði eða úthlutun á aðstöðu til vinnu við myndlist. Ekki er veitt fé vegna dvalar í vinnustofum þegar fullir dvalarstyrkir fylgja úthlutun.

Question 2

Umsókn

Accepted Answer

Umsóknarfrestir

• 1. mars vegna verkefna sem hefjast á tímabilinu mars - ágúst.
 • 1. september vegna verkefna sem hefjast á tímabilinu september - febrúar.​​​

Umsóknareyðublað er að finna á https://www.sim.is/muggur-umsokn.(https://www.sim.is/muggur-umsokn) 
Aðeins er tekið við rafrænum umsóknum.

Þeir sem áður hafa fengið úthlutað styrk úr dvalarsjóði Muggs vegar þurfa að skila greinagerð áður en sótt er um aftur.

Umsóknum skal fylgja:
 • Ítarleg og greinargóð lýsing á verkefninu; upplýsingar um sýningu, sýningarstað, vinnustofusetur, verkstæði, ráðstefnu eða annað það sem við á hverju sinni. 
 • Einnig skal fylgja staðfesting ábyrgðarmanns verkefnisins í því landi sem það fer fram í, það er að segja sýningarstjóra, safnstjóra, galleríeiganda, forstöðumanns vinnustofuseturs, verkstæðis eða annars, allt eftir eðli verkefnisins. Dagsetningar verkefnisins verða að koma fram.

Styrkþegar undirgangast skuldbindingar gagnvart sjóðnum samkvæmt sérstökum samningum sem gerðir verða í kjölfar úthlutunar og verða styrkþegar meðal annars að skila stuttri greinargerð um notkun styrksins.

Mikilvægt er að hafa umsóknina vandaða, skýra og hnitmiðaða.

Question 3

Úthlutunarreglur

Accepted Answer

1. Til að geta fengið úthlutun úr dvalarsjóði Muggs þarf umsækjandi að vera fullgildur skuldlaus félagi í SÍM. 
2. Umsækjandi skal leggja fram tilskilin gögn er staðfesti boð um þátttöku í myndlistarviðburði eða úthlutun á aðstöðu til vinnu við myndlist.
3. Ekki er veitt fé vegna dvalar í vinnustofum þegar fullir dvalarstyrkir fylgja úthlutun.
4. Skilyrði er að verkefnið sé sýnilegt og að það geti að mati sjóðsstjórnar styrkt ímynd Reykjavíkur sem uppsprettu fyrir öflugt og framsækið myndlistarlíf.
5. Þeir sem þegar hafa fengið úthlutað styrk úr dvalarsjóði Muggs þurfa að skila greinagerð áður en þeir geta sótt um aftur.
6. Vinsamlega athugið að dvalarstyrkir eru eingöngu veittir til einstaklinga. Ef að fleiri en einn listamaður tekur þátt í sama verkefni / sýningu erlendis verða allir listamenn að senda sjálfstætt inn umsókn. 
7. Styrkþegar undirgangast skuldbindingar gagnvart sjóðunum samkvæmt sérstökum samningum sem gerðir verða í kjölfar úthlutunar og kveður m.a. á um að styrkþegum beri að skila greinargerð um notkun styrksins.
8. Á öllu kynningarefni styrkþega skal tekið fram að Muggur sé styrktur af Reykjavíkurborg og birtir hann merki Reykjavíkurborgar í því skyni. Nánar: https://hanna.reykjavik.is/7be457c46/p/0676b1-merki (https://hanna.reykjavik.is/7be457c46/p/0676b1-merki) 
9. Styrkþegum ber skylda til að senda inn greinargerð að dvöl lokinni. Greinargerðinni skal skila eigi síðar en 6 mánuðum eftir úthlutun.
10. Eyðublað fyrir greinargerð má nálgast með því að senda póst á sim@sim.is  (mailto:sim@sim.is)
11. Greinargerðum skal fylgja ítarleg lýsing á sýningu / verkefni og ávinningi dvalarinnar (hámark 500 orð) ásamt 3-5 myndum af sýningu, verkefni, vinnuferli, viðburðum ofl.