SÍM

Auglýst er eftir framboðum í stjórn – framboðsfrestur er 4. apríl kl 16:00

Aðalfundur Sambands íslenskra myndlistarmanna verður haldinn fimmtudaginn 16. maí 2024 frá kl.17:00-19:00 í Fjósinu á Korpúlfsstöðum.

Dagskrá aðalfundar:
1. Skýrsla stjórnar
2. Reikningar
3. Stjórnarkosning
4. Kosning eins fulltrúa í sambandsráð sbr. 9. gr.
5. Kosning félagslegs skoðunarmanns og endurskoðanda til eins árs
6. Lagabreytingar
7. Ákvörðun félagsgjalda
8. Önnur mál

Eftirtaldir stjórnarmenn voru kjörnir til tveggja ára í maí 2022 og lýkur þeirra kjörtímabili á þessum aðalfundi:

Anna Eyjólfsdóttir, formaður
Hlynur Helgason, aðalmaður
Freyja Eilíf, aðalmaður
Soffía Sæmundsdóttir, varamaður

Anna Eyjólfsdóttir, hefur ákveðið að bjóða sig fram á ný sem formaður SÍM næsta kjörtímabil.

Skrifleg tilkynning um framboð til stjórnarstarfa skal hafa borist skrifstofu SÍM eigi síðar en fimmtudaginn 4. apríl 2024 kl. 16:00. Framboði til formanns skal fylgja stutt bréf (hámark 1 bls), með upplýsingum um frambjóðanda og helstu málefnum til birtingar á vef SÍM, ásamt mynd.

Stjórnin skal kosin rafrænt og eru allir skuldlausir félagsmenn sambandsins kjörgengir. Allar samþykktir á aðalfundi verða að hljóta einfaldan meirihluta greiddra atkvæða.

Þann 11. apríl n.k. verður sent út endanlegt fundarboð með lista yfir þá félagsmenn sem gefa kost á sér til stjórnarstarfa fyrir SÍM næsta kjörtímabil.

Nánari upplýsingar veitir skrifstofa SÍM í tölvupósti á sim@sim.is eða í síma 551 1346.