Gallerí Grótta: Upphaf - Jóhanna V. Þórhallsdóttir og Hrönn Björnsdóttir
![508A4884.JPG](https://static.wixstatic.com/media/b4dc0c_ef87f5d194d14c14a6a725c4b5ed1e4f~mv2.jpeg/v1/fill/w_308,h_410,al_c,q_80,usm_0.66_1.00_0.01,enc_auto/508A4884_JPG.jpeg)
föstudagur, 14. janúar 2022
Gallerí Grótta: Upphaf - Jóhanna V. Þórhallsdóttir og Hrönn Björnsdóttir
Listakonurnar Jóhanna V. Þórhallsdóttir og Hrönn Björnsdóttir mætast undir sýningarheitinu Upphaf í Gallerí Gróttu á Seltjarnarnesi. Sýningin opnar 20. janúar og stendur til 12. febrúar. Öll verk á sýningunni eru abstrakt og expressjónísk málverk unnin með blandaðri tækni árin 2021-22.
Enginn veit hvað framtíðin ber í skauti sér. Hvert andartak er nýtt upphaf, opið tækifæri til að eiga samtal við tímann og skapa. Allt og ekkert er fullkomið í senn, upphaf og spuni í trausti flæðis.
Upphaf er fyrsta sýning þeirra beggja saman en Jóhanna og Hrönn hafa átt farsælt samstarf í Anarkíu Listasal í Kópavogi sem síðar varð Artgallerí Gátt sem þær ráku ásamt fleiri listamönnum um árabil. Báðar eiga að baki nokkrar einkasýningar ásamt fjölda samsýninga bæði hér á landi og erlendis. Listakonurnar eru félagar í SÍM.
![Bildschirmfoto 2021-05-08 um 15.16.09.pn](https://static.wixstatic.com/media/b4dc0c_01efe92b44d14f6d9592837dd90639e1~mv2.jpg/v1/fill/w_7,h_5,al_c,q_80,usm_0.66_1.00_0.01,blur_2,enc_auto/Bildschirmfoto%202021-05-08%20um%2015_16_09_pn.jpg)
![Bildschirmfoto 2021-05-08 um 15.16.09.pn](https://static.wixstatic.com/media/b4dc0c_c85ba598fec14839aa569a243c9c9e63~mv2.jpg/v1/fill/w_7,h_5,al_c,q_80,usm_0.66_1.00_0.01,blur_2,enc_auto/Bildschirmfoto%202021-05-08%20um%2015_16_09_pn.jpg)