SÍM

Verið velkomin á listamannaspjall með eftir Ragnhildi Jóhannsdóttur í tengslum við sýninguna Ég er vel synd laugardaginn 29. ágúst kl. 14, í Listasal Mosfellsbæjar.



Ragnhildur Jóhannsdóttir leiðir gesti í gegnum sýninguna þar sem mörkin milli hins raunverulega og hins ímyndaða verða óljós. Úr verkunum sprettur myndheimur þar sem fiskar og blóm umbreytast hvort í annað, hreyfing verður að formi og hið kunnuglega tekur á sig nýja merkingu.

Ragnhildur Jóhanns (f. 1977-) býr og starfar í Reykjavík. Hún lauk BA-prófi í myndlist frá Listaháskóla Íslands árið 2010 og vinnur með fjölbreytta miðla, meðal annars málverk, teikningu, klippimyndir, prentverk og skúlptúr. Hún hefur sýnt verk sín víða á Íslandi og erlendis.
Léttar veigar í boði!