SÍM

Artists’ House Gjutars í Vantaa, Finnlandi
Frá 2014 hefur SÍM verið í samstarfi um gestavinnustofuskipti við Vantaa Artists’ Association í Finnlandi.

Samstarfið felur í sér að SÍM félaga er boðið að dvelja í einn mánuð í Vantaa og kemur finnskur myndlistarmaður í staðinn og dvelur í einn mánuð í gestavinnustofu SÍM á Korpúlfsstöðum.

Hús Gjutars er í borginni Vantaa, nálægt Helsinki, en hún er fjórða stærsta borgin í Finnlandi. Gestavinnustofan er staðsett í gömlu húsi í miðri Vantaa. Gestavinnustofan er á efri hæðinni og er með sérsvölum.

Svefnherbergið er um 15 m2 á stærð.
Í íbúðinni er ísskápur, eldavél, eldhúsáhöld og grunnmatvörur. Á baðherberginu er sturta og þvottavél. Þráðlaust net. Vinnustofan er 22 m2 og er einnig á efri hæðinni.
Á vinnustofunni er grafíkpressa og vaskur.
Tekið er á móti umsóknum fyrir gestavinnustofuskiptin einu sinni á ári og eru þau auglýst sérstaklega.

Vantaa Artists’ Association
https://www.transartists.org/en/air/vantaa-artist-association

Umsóknarfrestir fyrir Gjutars í Vantaa 2023 eru eftirfarandi:
Umsókn fyrir vinnustofuskipti í Gjutars í Vantaa, Finnlandi fyrir tímabilið 01.06.2023 - 30.06.2023 er nú opin.

Umsóknarfrestur er til 10.04.2023

Umsóknarfrestur er til miðnættis þann dag sem auglýstur er.