SÍM

Af hverju er gott að stunda hugleiðslu? Því ætlar Tristan Gribbin að reyna svara fimmtudaginn 30. mars kl. 16:30 í Ljósmyndasafni Reykjavíkur. Frítt inn og öll velkomin!

Í lok erindis leiðir Tristan gesti í Flow hugleiðslu inni á yfirstandandi sýningu safnsins Nálægð eftir Christopher Taylor. Sýningin samanstendur af þremur ljósmyndaröðum sem varpa í sameiningu ólíku ljósi á hugtakið nálægð í íslensku samhengi.

Tristan Gribbin er framkvæmdastjóri og stofnandi Flow sem er tæknilegur vettvangur hugleiðslu í gegnum sýndarveruleika. Tristan er búsett á Íslandi en ólst upp í Palo Alto í Kaliforniu. Talað mál verður enska en Tristan talar einnig góða íslensku.

Aðgengi fyrir hreyfihamlaða er gott á Ljósmyndasafninu. Leiðsöguhundar eru velkomnir í safnið.
Strætisvagnar stoppa í Lækjargötu (5 mín. gangur) og leiðir 11, 13 og 14 stoppa á Mýrargötu (5-10 mín. gangur). Bendum líka á að gott er að leggja í bílastæðahúsinu á Vesturgötu.