TILVIST - samsýning í Grafíksalnum
![508A4884.JPG](https://static.wixstatic.com/media/b4dc0c_96c81bc7bc8a4b40b3b2e5b44b62331b~mv2.jpg/v1/fill/w_840,h_354,al_c,lg_1,q_80,enc_auto/508A4884_JPG.jpg)
fimmtudagur, 11. janúar 2024
TILVIST - samsýning í Grafíksalnum
Myndlistarkonurnar Bryndís Brynjarsdóttir, Ingibjörg Hauksdóttir og Jóhanna B. Halldórsdóttir opna myndlistasýningu í Grafíksalnum Tryggvagötu 17 (hafnarmegin) föstudaginn 12. janúar milli kl. 17:00 – 19:00.
Leiðarstef sýningarinnar er “Tilvist” og er upplifun sýnenda bæði ólík og yfirgripsmikil. Um er að ræða samtal um sýn á tilveruna í manngerðu og náttúrulegu umhverfi. Ákveðin togstreyta myndast á sameiginlegum snertifleti sýningarinnar þar sem mannleg skynjun er holdgerð í gegnum tilbúna hluti og upphafning náttúrunnar er smættuð inn í ramma hins tilbúna veruleika listamannsins. Að hljómfalli sálarinnar sem sprengir upp rammann og tekur áhorfandann í ferðalag inn í óendanleikann. Í augnabliki umbreytingar og ferðalags, þar sem fígúratívt og abstrakt mætast.
Opið fimmtudaga kl 16-18, föstudaga til sunnudaga kl 14-17
Sýningin stendur til 28. janúar.