SÍM

Verið velkomin á The Factory 2024: Hendur á hreyfingu, ofin framtíð sem opnar 1 júní í gömlu síldarverksmiðjunni í Djúpavík. Hún stendur fram að 20 september, og er opin daglega á milli 10:00 - 18:00. 

Listamennirnir á sýningunni The Factory 2024: Hendur á hreyfingu, ofin framtíð, hafa þvert á kynslóðir, hæfileikasvið og þjóðerni, dregið innblástur frá hafinu, sjálfbærum möguleikum náttúrunnar og viðhorfum til handverks.

Handverk lýsir þeim hæfileikum sem fólk þarf að búa yfir til þess að skapa eitthvað frá grunni. Afrakstur handverks getur dregið fram eiginleika efniviðarins, mikilvægi náttúrunnar sem innblásturs og verðmæti einfaldleikans, notagildis og fegurðar. Endurtekningin sem handverk krefst gerir það að verkum að hendur og hugur geta aldrei reikað of langt frá hvort öðru. Þegar hönd, hugur og hreyfing mætast verður sköpunin til. Sköpunin hleypir líkamleika og flæði aftur inn í meðvitundina og hversdagslífið, og á sama tíma hjálpar hún okkur að tengjast þekkingu og lifnaðarháttum fyrri tíma.  

Seglagerð, netagerð, kaðlaggerð og áttavitasmíði eru allt dæmi um störf unnin af sérhæfðu handverksfólki. Gamla síldarverksmiðjan, söguleg byggingarlist hennar og handgerð smíði er þess vegna upplagður bakgrunnur fyrir þema ársins. Listaverkin kalla fram fegurð og segja sögur, og bjóða á sama tíma upp á tækifæri til þess að hægja á ferðinni og hampa sköpunarferlinu. Þannig getur handverk, það að vinna með höndunum og sú hæfni sem byggir bæði á nútímaþekkingu sem og verkviti fortíðinnar, verið undirstaða fyrir vellíðan, sálfræðilega endurheimt og heilandi framtíð.

Námskeið og samtal við leikstjóra:
Verksmiðjan heldur, í samstarfi við Baskavinafélagið á Íslandi, námskeið um hljóðfæragerð (e. luthiery) með leiðsögn á vegum Intelligent Instruments Lab við Háskóla Íslands. Námskeiðið verður haldið helgina 6.-9. júní, og auk námskeiðsins verða haldin pop-up sýning og tónleikar. Námskeiðið hefst um miðjan dag þann 6 júní. Í seinni hluta júlí mun sýningargestum svo standa til boða samtal við Karni & Saul, leikstjóra stuttmyndarinnar Wild Summon.

Listamenn 
Jonna Jónborg Sigurðardóttir (IS), Kadri Liis Rääk (EST), Karni & Saul (UK), Kathy Clark (US/IS), Katrín Þorvaldsdóttir (IS), Laurita Siles (Basque Country) with Elías Knörr (IS) and Edurne González Ibáñez (Basque Country), Nikki Ummel (US), Penelope Payne (UK), Raimonda Sereikaitė - Kiziria (LI/IS), Wanxin Qu (CH). 

Sýningarstjóri 
Emilie Dalum

Haldið af
Hótel Djúpavík

Opnunartímar
Daglega 10:00 - 18:00
1 júní - 20 september, 2024

Styrktaraðilar
Hótel Djúpavík, Myndlistarsjóður, Uppbyggingarsjóður Vestfjarða og Orkubú Vestfjarða

Samstarfsaðilar
Listaháskóli Íslands og Baskavinafélagið á Íslandi