SÍM

Opnun er í Neskirkju við Hagatorg, mánudaginn 25. maí kl. 18-20

Myndlistarmaðurinn Steingrímur Gauti Ingólfsson opnar einkasýninguna Til hliðar / Side Effects í
Neskirkju þann 25. maí næstkomandi. Sýningin samanstendur af nýjum málverkum sem unnin eru
sérstaklega fyrir rýmið og marka áframhaldandi rannsókn listamannsins á ferli og efni.

Í verkunum vinnur Steingrímur með málverk sem ferli fremur en fyrirfram mótaða mynd. Með
endurtekningu, efnisrannsóknum og líkamlegri vinnu byggjast yfirborð verkanna upp í lögum þar
sem tilviljanir og ófyrirséð atvik fá að hafa áhrif á niðurstöðuna. Áhersla er lögð á að draga úr stjórn
og skapa aðstæður þar sem verkin geta komið í ljós, frekar en að vera ákveðin fyrirfram.

Titill sýningarinnar vísar til þess sem verður til utan þess sem er ætlað. Í þessu felst ákveðið traust
á vinnunni sjálfri. Að mæta aftur og aftur, jafnvel þegar merkingin er óljós, þar til eitthvað fer að taka
á sig mynd. Í því felst ákveðin iðkun—að gefa ferlinu athygli og rými þar sem eitthvað getur komið í
ljós.

Neskirkja, með sínum opna og bjarta arkitektúr, gegnir mikilvægu hlutverki í sýningunni. Breytileg
birta rýmisins hefur bein áhrif á skynjun verkanna og undirstrikar tengsl þeirra við tíma og
aðstæður.

Steingrímur Gauti Ingólfsson (f. 1986) er myndlistarmaður búsettur í Reykjavík. Hann lauk BAgráðu í myndlist frá Listaháskóla Íslands árið 2015 og stundaði einnig nám við Universität der Künste í Berlín. Verk hans hafa verið sýnd víða á undanförnum árum, bæði hérlendis og erlendis.

Af nýlegum einkasýningum ber helst að nefna Hlé / Break á Vinnustofu Kjarval 2025, Lingering
Space í Listval 2024 og Chop Wood, Carry Water í Galerie Marguo 2025.