SÍM

Gunnarsstofnun auglýsir eftir umsóknum um dvöl í Klaustrinu árið 2025. Umsóknarfrestur er til 15. júní 2023.

Við úthlutun Klaustursins árið 2025 munu tveir ferða- og dvalarstyrkir frá Menningarsjóði Gunnarsstofnunar fylgja mánaðardvöl á Skriðuklaustri. Markmiðið með styrkveitingunni er að styðja sérstaklega við rannsóknarverkefni tengd Austurlandi og störf rithöfunda af erlendum uppruna sem búa og starfa á Íslandi.

KLAUSTRIÐ er dvalarstaður fyrir innlenda og erlenda lista- og fræðimenn, rithöfunda, þýðendur og tónskáld. Dvalargestir fá til endurgjaldslausra afnota litla íbúð í Gunnarshúsi á Skriðuklaustri um 3-6 vikna skeið til
að vinna að fyrirfram ákveðnum verkefnum. Samkvæmt reglum um úthlutun skulu verkefni er varða Gunnar Gunnarsson, Austurland eða austfirsk fræði njóta forgangs.

Sækja skal um dvöl í Klaustrinu á þar til gerðu eyðublaði og senda það í pósti, tölvupósti til Gunnarsstofnunar. Í umsókn þarf að koma fram auk almennra upplýsinga um umsækjanda, að hverju viðkomandi hyggst vinna og hvaða tímabil sé heppilegast.

Hægt er að nálgast frekari upplýsingar og umsóknareyðublað á vefslóðinni www.skriduklaustur.is. Umsóknareyðublað er einnig að finna á google forms, https://forms.gle/ib1vXbVbom383Bd58

Senda skal fyrirspurnir eða umsóknir á Gunnarsstofnun, Skriðuklaustri, 701 Egilsstaðir eða á netfangið klaustur@skriduklaustur.is.