SÍM

SÍM Residency
Seljavegi 32, Reykjavík
Fimmtudaginn 23. júlí kl. 17 - 20

 Gestum gefst einstakt tækifæri til að stíga inn í vinnurými alþjóðlegra gestalistamanna SÍM Residency, kynnast þeim í eigin persónu og fá innsýn í rannsóknir þeirra og listræna vinnuferla.

 Dvalarprógrammið leiðir saman listafólk af ólíkum menningar- og faglegum bakgrunni og skapar vettvang fyrir samtal þvert á listgreinar, landamæri og ólíka reynsluheima. Gestum er boðið að ganga um vinnustofurnar og upplifa verk í mótun, þar sem skapandi ferlið er í forgrunni.

 Opnar vinnustofur veita innsýn í þróun listrænnar vinnu með innsetningum, gjörningum, myndbandsverkum, efnistilraunum og rannsóknarmiðuðum verkefnum. Verkin varpa ljósi á aðferðir listamannanna, spurningar þeirra og rannsóknarferli jafnt sem þau verk sem eru enn í mótun.

 Listamenn: Bokyung Jun, Lukáš Kubičina, Martina Mäsiarová, Petja Heiskanen