SÍM

Verið velkomin á opnun yfirlitssýningar Jean Antoine Posocco laugardaginn 4. nóvember milli kl. 13:00 og 18:00 á Hlöðuloftinu, Korpúlfsstöðum.

“Í ár fagna ég 40 ára veru minni hér á Íslandi og stóran hluta af þeim tíma hef ég dúllað mér við að teikna, sumum til ama og öðrum til skemmtunar.”

“Af því tilefni langaði mig að gefa fólkinu sem ég hef kynnst í gegnum tíðina og öðrum áhugasömum tækifæri til að skyggnast inn í sköpunargleði sem býr í mér því sumir þekkja mig sem myndskreyti, aðrir sem póstburðarmann eða bókaútgefanda, kokk, vatnslitamálara, málmsmið, kennara eða félagsliða og enn aðrir sem skapmikinn karakter sem liggur ekki á skoðunum sínum.”

Sýningin stendur til og með 19. nóvember. Opið alla virka daga, nema miðvikudaga milli kl 14:00 og 18:00 en á milli kl. 12:00 og 17:00 um helgar.