SÍM

Listaháskóli Íslands býður rannsakendum, listamönnum og hönnuðum að senda inn tillögur að framlögum fyrir Hugarflug 2025 – árlega rannsóknaráðstefnu LHÍ, sem haldin verður þann 13. september 2025 í Hamri, Stakkahlíð 1, Reykjavík.

Þema ráðstefnunnar í ár er: „Óstöðug kerfi“. Við leitum eftir framlögum sem fást við óstöðugleika í ólíkum kerfum – frá tæknilegum nýjungum eins og gervigreind og gagnvirkum kerfum, yfir í málefni tengd pólitík, samfélagi og umhverfi. Við beinum sjónum að því hvernig óstöðugleikinn nýtist sem tól til að skapa nýja möguleika, en líka hvernig hann ýtir undir óróa og breytingar í samfélaginu og háskólakerfinu.

Hægt er að lesa um ráðstefnuna og senda inn tillögu hér: https://www.lhi.is/rannsoknir/hugarflug/

Hugarflug, árleg rannsóknarráðstefna Listaháskóla Íslands, er vettvangur fyrir opna, faglega og gagnrýna umræðu um listir, hönnun og arkitektúr.