Listasalur Mosfellsbæjar: Person, Place, Thing - Carissa Baktay
miðvikudagur, 29. júní 2022
Listasalur Mosfellsbæjar: Person, Place, Thing - Carissa Baktay
Föstudaginn 1. júlí kl. 16-18 verður opnun sýningarinnar Person, Place, Thing eftir Carissa Baktay í Listasal Mosfellsbæjar. Carissa er kanadísk listakona sem er búsett á Íslandi og rekur hér glerverkstæði. Hún lærði glerblástur í Kanada og Portúgal. Á sýningunni Person, Place, Thing sýnir Carissa fjölbreytt verk unnin í marga miðla t.d. skúlptúra og vídjó. Helsti efniviður verkanna er gler og hrosshár sem Carissa vinnur með á nýstárlegan hátt. Síðasti sýningardagur er 29. júlí. Sýningin er styrkt af The Alberta Foundation for the Arts.
Listasalur Mosfellsbæjar er staðsettur inn af Bókasafni Mosfellsbæjar, Kjarna, Þverholti 2. Opið er kl. 9-18 alla virka daga. Öll velkomin.
