Listasafnið á Akureyri: Nánd/Embrace - Samsýning
![508A4884.JPG](https://static.wixstatic.com/media/b4dc0c_fe37e9da025e4044a48492ccf183c229~mv2.jpg/v1/fill/w_273,h_410,al_c,q_80,usm_0.66_1.00_0.01,enc_auto/508A4884_JPG.jpg)
föstudagur, 28. janúar 2022
Listasafnið á Akureyri: Nánd/Embrace - Samsýning
Laugardaginn 29. janúar kl. 12-17 verður fyrsta sýning ársins, Nánd / Embrace, opnuð í Listasafninu á Akureyri. Á sýningunni er athyglinni beint að innri rökfærslum listmálunar sem eru staðsettar, skuldbundnar og innbyggðar. Á sýningunni fellur allt saman í þeim tilgangi að skapa og miðla stöðum og aðstæðum fyrir málverk til að vera og verða – að anda inn og anda út, með áhorfandanum og staðnum. Markmiðið er að yfirgefa hugmyndina um fjarlægt hlutleysi og færa sig nær þátttökureynslu – hinni krefjandi en ánægjulegu leið frá aðskilnaði til nándar, frá fjarveru til þátttöku.
„Sýningin mun bjóða þér að vera með,“ segir sýningarstjórinn Mika Hannula. „Breytum sjónarhorninu og látum koma okkur á óvart. Einbeitum okkur að því sem er einstakt, sem hvetur okkur til að njóta tilrauna sem færa okkur á áður óþekkta staði. Nánd / Embrace hvílir í ánægjunni við að skapa og miðla stöðum og aðstæðum til að vera með málverkum.“
Þátttakendur eru: Birgir Snæbjörn Birgisson, Emil Holmer, Heidi Lampenius, Onya McCausland, Miikka Vaskola, Þórdís Erla Zoëga.
Sýningarstjóri: Mika Hannula.
Meðfylgjandi mynd: Birgir Snæbjörn Birgisson, Frumburðurinn / Firstborn, 2021.