SÍM

Kristján Jónsson sýnir ný og nýleg málverk í Gömlu slökkvistöðinni á Túngötu 7, Flateyri. 
Gaman er að segja frá því að þessi gamalgróni staður hefur nú gengið í endurnýjun lífdaga og fengið nýtt hlutverk sem menningarhúsið á Eyrinni.

Dagur Sigurðsson, vel þekktur sem handboltakappi, keypti húsið og hefur verið að standsetja og gera upp undanfarið.

Nú er sem fyrsta stóra sýningin í deiglunni, opnun á laug 29/7 kl 15 en stefnt er að hafa mikið líf og fjör í húsinu um Verzlunarmannhelgina. Opið verður alla daga frá 14-18 til 7. ágúst.

Í framtíðinni verður húsið opið fyrir hverskyns menningarstarfsemi og verður vonandi ágætis kafli í þeirri góðu þróun sem er að eiga sér stað á Flateyri.