SÍM

Heidi Strand heldur sýningu á textilverkum sínum á Hlöðuloftinu að Korpúlfsstöðum dagana 9. til 31. júlí nk. undir heitinu Heidi og strönd.

Sýningin opnar laugardaginn 9. júlí kl 14

Á sýningunni verða 70 verk, flest unnin á tímabilinu frá 2015 til dagsins í dag og aðeins örfá þeirra hafa verið sýnd áður.

Nær öll nýrri verkin eru unnin með nálaþæfingu á votþæfðan grunn.

Viðfangsefni verkanna tengist fyrst og fremst því sem mest heillar Heidi á Íslandi en hún flutti fyrst til landsins í byrjun árs 1972 og hefur búið hér síðan, þó með hléum.

Sýningin markar auk þess ýmis tímamót í lífi Heidiar, hún fagnar gullbrúðkaupi í sumar, verður sjötug í janúar og í desember verða komin 40 ár síðan hún hélt sína fyrstu einkasýningu í Ásmundarsal. Þær eru nú orðnar 25 og á öllum Norðurlöndunum. Hún hefur einnig átt verk á 32 samsýningum víða um heim. Margar þeirra hafa verið farandsýningar og farið víða um Evrópu og Bandaríkin auk Kóreu og Japans, sjá nánar á www.heidistrand.com

Sýningin verður opin alla daga frá kl. 12 til 18.