Gróska: Rökkur - Haustsýning Grósku 2022
![508A4884.JPG](https://static.wixstatic.com/media/b4dc0c_221ac016882543e09b32c76d527f6f61~mv2.jpg/v1/fill/w_290,h_410,al_c,q_80,usm_0.66_1.00_0.01,enc_auto/508A4884_JPG.jpg)
þriðjudagur, 25. október 2022
Gróska: Rökkur - Haustsýning Grósku 2022
Rökkur: Haustsýning Grósku 2022
Opnun föstdaginn 28. október kl. 18:30-22
í Gróskusalnum og á Garðatorgi í Garðabæ
Sýningin er opin áfram helgarnar 29.-30. október og 5.-6. nóvember kl. 13:30-17:30
Haustsýning Grósku verður opnuð föstudaginn 28. október kl. 18:30-22 í Gróskusalnum á 2. hæð, Garðatorgi 1, og einnig á torginu fyrir framan. Þema sýningarinnar er rökkur og opnunin tengist listahátíðinni Rökkvan sem haldin er á Garðatorgi sama kvöld. Sýnendur eru 23 og allir í Grósku, félagi myndlistarmanna í Garðabæ. Sýningarstjóri er Laufey Jensdóttir myndlistarmaður.
Fólk er hvatt til að gera sér glaðan dag, göfga andann og njóta hauströkkursins, bæði á sýningu Grósku og Rökkvunni. Myndlistarmennirnir verða á staðnum.
Allir eru hjartanlega velkomnir, Garðbæingar jafnt sem aðrir listunnendur, og þau sem ekki komast á opnunina þurfa ekki að örvænta því sýningin er opin áfram helgarnar 29.-30. október og 5.-6. nóvember kl. 13.30-17.30.
Gróska er öflugt myndlistarfélag sem stendur fyrir allnokkrum myndlistarsýningum á ári, auk námskeiða og annarra viðburða. Í félaginu er fjölskrúðugur hópur fagmenntaðra og sjálfmenntaðra myndlistarmanna en ein af hugsjónum Grósku er að allir fái að blómstra og njóta sín við listsköpun. Í rúmlega tólf ár hefur starfsemi Grósku skapað mikilvægan vettvang fyrir skapandi samneyti myndlistarmanna og eflt myndlistina og menningarlíf Garðabæjar. Myndlistarmenn sem búa eða vinna í Garðabæ eru hvattir til að sækja um inngöngu í Grósku gegnum fésbókarsíðu Grósku https://www.facebook.com/groska210/ eða með því að senda póst á groskamyndlist@gmail.com.
![Bildschirmfoto 2021-05-08 um 15.16.09.pn](https://static.wixstatic.com/media/b4dc0c_e75011cf0df74b6ea2042656a5220427~mv2.jpg/v1/fill/w_5,h_5,al_c,q_80,usm_0.66_1.00_0.01,blur_2,enc_auto/Bildschirmfoto%202021-05-08%20um%2015_16_09_pn.jpg)
![Bildschirmfoto 2021-05-08 um 15.16.09.pn](https://static.wixstatic.com/media/b4dc0c_4a818e87e2ba4c1297852eee9c2c05bb~mv2.jpg/v1/fill/w_6,h_5,al_c,q_80,usm_0.66_1.00_0.01,blur_2,enc_auto/Bildschirmfoto%202021-05-08%20um%2015_16_09_pn.jpg)
![Bildschirmfoto 2021-05-08 um 15.16.09.pn](https://static.wixstatic.com/media/b4dc0c_5110f94a09dd4cde8c0dd990de896d65~mv2.jpg/v1/fill/w_5,h_5,al_c,q_80,usm_0.66_1.00_0.01,blur_2,enc_auto/Bildschirmfoto%202021-05-08%20um%2015_16_09_pn.jpg)