SÍM

Gestavinnustofa SÍM hefur hlotið styrk frá Norrænu menningargáttinni (Nordic Culture Point) úr Norræn-baltnesku hreyfanleikaáætluninni fyrir menningu til stuðnings starfsemi gestavinnustofunnar. Úthlutað voru 29.954 evrur fyrir tveggja mánaða dvöl fyrir fjóra norræna og baltneska listamenn og sýningarstjóra í september og október 2026.

Fjórtán listamannadvalir hlutu styrki að heildarupphæð 538.000 evrur á fundi fagráðsins í apríl. Þar var sótt um samtals 2,8 milljónir evra og var samþykktarhlutfallið 19%.

Verkefnið styður við listrænar rannsóknir og vinnslu sem fjalla um sjálfbærni, vistfræði, félagslegt jafnrétti og norrænar menningarfrásagnir. Þátttakendur munu þróa eigin verkefni samhliða þátttöku í vinnustofuheimsóknum, umræðum og samstarfi. Opnar vinnustofur og listamannaspjall fyrir almenning munu skapa vettvang fyrir samtal við nærsamfélagið um umhverfis- og samfélagsleg málefni.