SÍM

Listasafn Íslands, Fríkirkjuvegi 7, 15. mars kl. 14

Stafræn endurgerð listaverka
Fagstjóri ljósmyndunar hjá Listasafni Íslands fjallar um áskoranir og lausnir í ljósmyndun listaverka. Í safneign Listasafns Íslands eru yfir 14.000 listaverk og unnið er að skráningu þeirra og stafrænni miðlun.

Gæðastundir í Listasafni Íslands:
Dagskráin er ætluð eldri borgurum og er samsett af sérsniðnum leiðsögnum og spjalli við sérfræðinga safnsins um myndlist, yfirstandandi sýningar og starfsemi Listasafns Íslands. Viðburðirnir skapa tækifæri fyrir gesti til að nálgast myndlistina og menningararf þjóðarinnar á margvíslegan hátt.

Ávallt er boðið upp á kaffi og meðlæti á gæðastundum í Listasafni Íslands.

Bakkelsið er í boði Brauðs og Co. sem styrkir verkefnið.