Fjallaloft - Henrik Chadwick Hlynsson í Listasal Mosfellsbæjar

fimmtudagur, 10. ágúst 2023
Fjallaloft - Henrik Chadwick Hlynsson í Listasal Mosfellsbæjar
Fjallaloft nefnist fyrsta einkasýning Henriks Chadwick Hlynssonar sem samanstendur af málverkum af náttúru Íslands. Mikilfengleiki jökla og fjalla eru aðalviðfangsefni hans og tengir hann upplifun sína á þeim í verkin sín. Hann starfaði sem fjallaleiðsögumaður í tíu ár. Á þeim tíma myndaði hann sérstök tengsl við náttúruna og notar hann þá upplifun í verkin sín.
Á ferðum sínum um jökla landsins safnar hann öskuvatni frá íshellum sem hann notar í verk sín og tengir þannig náttúruna inn í verkin. Verkin endurspegla hina stórbrotnu náttúru sem getur verið bæði hrikaleg og undurblíð í senn.
Henrik Chadwick Hlynsson er fæddur árið 1990 og er Mosfellingur.
Sýningin opnar föstudaginn 11. ágúst kl. 16:00 – 18:00. Eftir það er hún opin alla virka daga frá kl. 09:00 – 18.00. Á laugardögum kl. 12:00 – 16:00 frá og með 19. ágúst. Sýningunni lýkur föstudaginn 8. september.