SÍM

Sýningin „Ethoríó Galleríó“ inniheldur málverk og teikningar í blöndu af Pop-list og Kúbisma. Það er einblínt á fígúratív, íslensk einkenni og menningu, og með húmorinn sem nálgun tekur Ethoríó á ádeilum sem flestir geta tengt sig við. Innblásturinn er sprottinn frá hinum íslenska almenningi og persónulegri reynslu hans af lífinu.

Ethoríó hóf BA nám í myndlist við LHÍ árið 2014 en lauk einu ári þar. Árið 2017 flutti hann til Bretlands þar sem hann hóf nám við Arts University Bournemouth og útskrifaðist þaðan árið 2020 með BA gráðu í myndlist (BA degree in Fine Arts).

Síðan þá hefur hann haldið námskeið og einnig kennt ungum krökkum á höfuðborgarsvæðinu í myndlist. Hann hefur verið virkur listamaður í nær 15 ár. Næstu skref hjá listamanninum er að fara til Svíþjóðar í MA nám í Stokkhólmi.

Ethoríó tekur vel á móti gestum og sérstök sýningaropnun verður 11. maí frá kl: 18:00-20:00 og allir hjartanlega velkomnir.

Viðburðurinn er styrktur af Menningar og ferðamálanefnd Hafnarfjarðarbæjar.