SÍM

ART67: Dýrin mín stór og smá: Ásta Kristín Björnsdóttir (1952) ólst upp í listrænu umhverfi, umvafin listamönnum og listmunum og alla tíð haft mikla unun af að teikna og skapa. Eftir áratuga vinnu sem grunnskólakennari hefur hún nú síðustu árin fundið sig í málaralistinni. Hún er að mestu sjálfmenntuð en hefur farið á námskeið í myndlistaskóla og notið tilsagnar hjá ýmsum listamönnum. Ásta Kristín hefur ferðast talsvert um heiminn og búið erlendis. Í Kanada, Danmörku, Þýskalandi og síðast og lengst í Chile.

Chile og reyndar öll Latín Ameríka, menningin, landslagið, fólkið og litagleðin hefur haft mikil áhrif á hana sem listamann, enda eru myndirnar hennar litaglaðar og myndrænar. Myndirnar eru olíumálverk aðallega af dýrum, unnar á striga. Þetta er hennar fyrsta einkasýning.

Hún verður með opnun sunnudaginn 2. júní milli 14.00 og 16.00. Öll velkomin.

Sýningin stendur til loka júní, er sölusýning og eru allir hjartanlega velkomnir.

Art67 er opið sem hér segir: Mánudaga - föstudaga 11:00 - 18:00 Laugardaga 11:00 - 17:00 Sunnudaga 13:00 – 16:00