Borgarbókasafn: Private Stories – Public Places - Guðný Sara Birgisdóttir

508A4884.JPG

fimmtudagur, 7. apríl 2022

Borgarbókasafn: Private Stories – Public Places - Guðný Sara Birgisdóttir

Sýning | Private Stories – Public Places
Borgarbókasafnið | Menningarhús Grófinni
Föstudaginn 8. apríl kl. 17.00


Guðný Sara Birgisdóttir sýnir textílverk sem þræðir saman sögur notenda bókasafnsins af ólíklegasta fólki á óvæntum mótum í almenningsrýmum. Opnun sýningarinnar Private Stories – Public Places er föstudaginn 8. apríl kl. 17:00 í Hringnum á Borgarbókasafninu Grófinni að Tryggvagötu 15, 101 Reykjavík.

Listaverkið er eingöngu gert úr efnivið sem nýttur er til bókbands og úr verður textílverk sem er einskonar afbyggð bók. Verkið sýnir orð, setningar og myndir þeirra sagna sem fólk deildi með Guðnýju á bókasafninu fyrr á árinu. Guðný safnaði sögunum saman, þræddi þessa þætti í grisjuna og skapa samtvinnaða heild sem opnar á nýjar túlkanir og sögur:

„Sumir teiknuðu litla mynd út frá sögunni sinni og eru þær einnig nýttar í verkinu. Ég rannsakaði einnig áhrif þessa óvæntu móta, allt frá því hvernig börn og hundar geta veitt öryggi innan rýmis til djúpstæðari merkinga og áhrifa þegar þær eru sagðar upphátt eða endurteknar löngu síðar.”

Sýningin er opin til 11. apríl 2022 á opnunartímum safnsins.

Private Stories – Public Places á heimasíðu: https://borgarbokasafn.is/vidburdir/syningar/private-stories-public-places
Sýning á Facebook - https://fb.me/e/1GXpkTCUe

Öll velkomin
Aðgangur ókeypis

Guðný Sara Birgisdóttir (1993) lauk BA prófi frá myndlistardeild Listaháskóla Íslands árið 2018 og hefur MA gráðu frá hönnunardeild sama skóla. Guðný vinnur með innsetningar, tvívíð verk, videó- og hljóðverk og hefur lagt áherslu á rannsóknir og getgátuhönnun byggða á niðurstöðum. Guðný skoðar umhverfi mannsins, frásagnir, framleiðsluferla og efnisnotkun, og vinnur með líkamleg og tilfinningaleg rými, en markmið hennar er að búa til umhverfi sem vekja samræður um alþjóðleg og staðbundin viðfangsefni. Guðný útskrifast sem listkennari frá Listaháskóla Íslands vorið 2022.

Bildschirmfoto 2021-05-08 um 15.16.09.pn
Bildschirmfoto 2021-05-08 um 15.16.09.pn
Bildschirmfoto 2021-05-08 um 15.16.09.pn