SÍM

Ástríður Grímsdóttir (1955) er lögfræðingur að mennt og starfar sem héraðsdómari við Héraðsdóm Reykjaness. Hún sótti sitt fyrsta myndlistarnámskeið í Myndlista- og handíðaskólanum veturinn 1970-71 og má segja að þar hafi áhugi hennar á myndlist kviknað fyrir alvöru. Ástríður hefur sótt myndlistarkennslu hjá ýmsum listamönnum og má nefna Sjöfn Har 2008, hjá Kára Svenson færeyskum listmálara í Lökken í Danmörku 2016, námskeið í akrýlmálun í Tækniskólanum 2019 og hjá Bjarna Sigurbjörnssyni listamanni 2017 og aftur 2023.

Hún hefur tekið þátt í samsýningum og hélt einkasýningu 2017 á verkum sínum í Agogessalnum um leið og hún fagnaði útgáfu barnabókar sem hún gaf út á sama tíma. Verk Ástríðar eru abstrakt unnin með akrýl.

Hún verður með opnun laugardaginn 4. maí milli 14.00 og 16.00. Öll velkomin.

Sýningin stendur til loka maí, er sölusýning og eru allir hjartanlega velkomnir.

Art67 er opið sem hér segir: Mánudaga - föstudaga 11:00 - 18:00 Laugardaga 11:00 - 17:00 Sunnudaga 13:00 – 16:00