SÍM

Myndlistarkonan Anna Leósdóttir opnar sýningu sína Margt býr í fjöllunum í Hannesarholti í dag, laugardaginn 11. Janúar, klukkan 14:00.

„Þetta eru vissulega ekki hefðbundnar náttúrumyndir, heldur mín túlkun á náttúrunni,“ segir Anna um sýninguna, sem samanstendur af ellefu akrýlverkum þar sem fjöll eru í fyrirrúmi, tilkomumikil og glæsileg ásýndar, í óvenjulegri umgjörð, sem dregur fram og undirstrikar þá orku sem frá þeim stafar.

Með sýningunni segist listakonan vilja vekja athygli á mikilvægi íslenskrar náttúru. Hana beri að vernda og hlúa að því hún sé einstök á heimsvísu. „Ekki síst nú þegar sótt er að úr náttúrunni úr öllum áttum,“ bendir Anna á.

Anna hefur fengist við myndlist um árabil og á að baki fjölda einkasýninga. Hefur hún meðal annars haldið sýningar í Viðey, á kaffistofu Hafnarborgar í Hafnarfirði og í Ráðhúsi Reykjavíkursvo fátt eitt sé nefnt.

Sýning Önnu í Hannesarholti stendur yfir frá 11. til 30. janúar.

Öll velkomin.