SÍM

Kling & Bang fagnar 20 ára afmæli og af því tilefni verður blásið til afmælisgjörningahátíðar þann 19. maí og 20. maí frá kl. 17:00-21:00.

Kling & Bang hefur verið lifandi og leiftrandi vettvangur fyrir framsækna myndlist í tuttugu ár og til að fagna þessum tímamótum munu framúrskarandi listamenn taka þátt í gjörninga dagskrá sem gefur eilítið sýnishorn af þeim fjölmörgu listamönnum sem Kling & Bang hefur unnið með í þessa tvo áratugi. Yfir afmælishátíðina taka listamenn yfir rýmið bæði kvöldin með fimm gjörningum sem fléttast saman í heildræna dagskrá.

Listamenn sem koma fram eru Ásdís Sif Gunnarsdóttir, Halla Einarsdóttir, Hugo Llanes + Ronja, John Bock, Tara & Silla, Ásta Fanney Sigurðardóttir, Hlökk Þrastardóttir, Lucky 3, Pétur Már Gunnarsson og Ragnar Kjartansson.

Edda Kristín Sigurjónsdóttir teflir fram ljúffengum mat sem hægt verður að kaupa á hóflegu verði og barinn verður opinn.

Í tilefni tímamótanna verður gefin út sérstök afmælisútgáfa sem mun veita yfirsýn á þær fjölbreyttu sýningar og viðburði sem Kling & Bang hefur staðið fyrir í þessi tuttugu ár.

Föstudagur 19. maí 2023 kl 17:00 - 21:00

Ásdís Sif Gunnarsdóttir
Halla Einarsdóttir
Hugo Llanes + Ronja
John Bock
Tara & Silla

Laugardagur 20. maí 2023 kl 17:00 - 21:00

Ásta Fanney Sigurðardóttir
Hlökk Þrastardóttir
Lucky 3
Pétur Már Gunnarsson
Ragnar Kjartansson

Hönnun útgáfu og plakats: Jules Esteves
Sýningin er samstarfi við: TBA-Thyssen-Bornemisza Art Contemporary, Reykjavíkurborg og Myndlistarsjóð.