SÍM

Sýningin Að fanga liti náttúrunnar verður opnuð í Borgarbókasafninu Spönginni, föstudaginn 1. ágúst kl. 16 og stendur til 29. ágúst. Öll hjartanlega velkomin.

Að fanga liti náttúrunnar er yfirskrift sýningar Þorgerðar Hlöðversdóttur textíllistakonu sem sækir innblástur í náttúruna og nýtir íslenskar og erlendar jurtir á vistvænan hátt til að lita og þrykkja á náttúruleg efni svo sem silki, ull og hör. Hvert verk er einstakt og getur tekið langan tíma og margar tilraunir að ná fram þeim litum og áferð sem sóst er eftir.

Þorgerður Hlöðversdóttir útskrifaðist úr textíldeild Myndlista- og handíðaskólans 1990. Hún stundaði nám við háskólann í Bresku Kólumbíu í Kanada 1998-1999 og lauk meistaranámi í listkennslu frá Listaháskóla Íslands 2013. Þorgerður hefur tekið þátt í fjölda sýninga bæði á Íslandi og í Kanada.

Nánari upplýsingar veita:

Þorgerður Hlöðversdóttir, textíllistakona
litun@skjatti.is | 862 0216
Vefsíða: www.bombyx.is

Katrín Guðmundsdóttir, deildarstjóri Borgarbókasafnsins Spönginni
katrin.gudmundsdottir@reykjavik.is | 411 6230