Ávarp í tilefni Alþjóðlegs dags lista tileinkaðan Úkraínu - World Art Day for Ukraine
![508A4884.JPG](https://static.wixstatic.com/media/b4dc0c_66eb746d1999491ab49dd7ee0f3f44ed~mv2.png/v1/fill/w_410,h_410,al_c,q_85,usm_0.66_1.00_0.01,enc_auto/508A4884_JPG.png)
fimmtudagur, 14. apríl 2022
Ávarp í tilefni Alþjóðlegs dags lista tileinkaðan Úkraínu - World Art Day for Ukraine
Ávarp í tilefni alþjóðlegs dags lista
World Art Day for Ukraine
Tíminn er afstæður. Í listinni fæðast hugmyndir, þróast yfir langan tíma og varpa ljósi á samhengi okkar og sögu. Listin tengir okkur við fortíð okkar og gefur fyrirheit um það sem koma skal. Hún gerir okkur kleift að sjá sögu okkar og líf í stærra samhengi, ef við bara gefum okkur tíma og stöldrum við.
En stundum verða þeir atburðir í lífi fólks og þjóðar að tíminn líkt og stendur í stað og viðfangsefni dagsins verða stærri en þrek fólks og kjarkur ná að takast á við. Tíminn skiptir ekki máli – það er ekkert nema staðurinn og stundin. Sú er raunin einmitt núna hjá kollegum okkar í Úkraínu.
15. apríl er alþjóðlegur dagur listarinnar og af því tilefni hafa valdir listamenn undanfarin ár sent frá sér ávarp eða hugleiðingu. Að þessu sinni gefum við félögum okkar í Úkraínu orðið. Ávarp íslenskra listamanna á alþjóðlegum degi listarinnar 2022 er röð myndskeiða sem listamenn á stríðsslóð hafa sent okkur til þess að lýsa stöðu sinni, og samborgara sinna, í daglegri baráttu fyrir tilveru sinni undir ofsóknum og markaleysi grimmdarinnar.
![Bildschirmfoto 2021-05-08 um 15.16.09.pn](https://static.wixstatic.com/media/2b237d_13a6a7596fa74417a939697ec2ce9113~mv2.png/v1/fill/w_2,h_2,al_c,q_85,usm_0.66_1.00_0.01,blur_2,enc_auto/Bildschirmfoto%202021-05-08%20um%2015_16_09_pn.png)
![Bildschirmfoto 2021-05-08 um 15.16.09.pn](https://static.wixstatic.com/media/b4dc0c_36d8d6f4229e4f8c8c38994ff6e6af92~mv2.jpg/v1/fill/w_5,h_5,al_c,q_80,usm_0.66_1.00_0.01,blur_2,enc_auto/Bildschirmfoto%202021-05-08%20um%2015_16_09_pn.jpg)