MHÍ 40 ÁRUM SÍÐAR – Myndlistarsýning á Korpúlfsstöðum  

Fimmtudaginn 9. júní kl. 17:00 verður sýningin MHÍ 40 ÁRUM SÍÐAR opnuð á Hlöðuloftinu á Korpúlfsstöðum. Í tilefni af því að nú eru 40 ár liðin frá útskrift frá Myndlista-og handíðaskóla Íslands hefur hópur skólafélaga sett upp samsýningu á Hlöðuloftinu á Korpúlfsstöðum til þess að marka þann áfanga. Á sýningunni eru málverk, vatnslitamyndir textílverk, keramik og teikningar. Listamennirnir sem eiga verk á sýningunni eru: Aðalheiður Valgeirsdóttir, Bryndís Björgvinsdóttir, Daði Harðarson, Dóra Kristín Halldórsdóttir, Garðar Pétursson, Guðbjörg Ringsted, Herborg Sigtryggsdóttir, Pjetur Stefánsson, Rut Rebekka Sigurjónsdóttir, Sigrún Harðardóttir, Sigurbjörn Jónsson, Tolli.  

Sýningin er opin fimmtudaga til sunnudaga frá kl 14-17 og henni lýkur 26. júní.