Ernst Backman opnar sýngu á verkum sínum á Korpúlfsstöðum sem hann kallar hönnun í 50 ár. Um langa hríð sérhæfði Ernst sig í hönnun á plötualbúmum og bókarkápum og vann þá fyrir fjölmörg fyrirtæki og stofnanir.

Hann fékk snemma mikinn áhuga á iðnhönnun og stundaði nám í þeirri grein við Konstfack lista- og hönnunarháskólann í Stokkhólmi frá 1972 til1976. Þar nam hann undir leiðsögn rómaðra kennara á borð við Bengt Ek og Lalle Lalestad. 1977 setti hann á fót auglýsingastofu í Reykjavík sem lét fljótlega til sín taka á þeim markaði – með fjölda hönnuða og hæfileikaríka einstaklinga í vinnu. 2002 stofnaði stofnaði hann og hannaði Sögusafnið í Reykjavík, fyrst í Perlunni og síðar á Grandagarði, og rekur það enn ásamt eiginkonu sinni.

Á síðustu árum hefur Ernst snúið sér að málaralist og gerð skúlptúra.

Sýningin verður opin frá 8. til 24. ágúst miðvikudaga til sunnudaga frá kl. 12-18.